Pasditen e djeshme, një aksident me fatalitet ndodhi në Carralevë, ku u përfshinë një veturë dhe një autobus dhe për pasojë humbi jetën tragjikisht një person.
Lajmi është konfirmuar nga Policia, ndërsa tashmë është bërë i ditur identiteti i viktimës.
Personi humbi jetën është Jetmir Gashi, kirurg vaskular.
Për vdekjen e tij kanë njoftuar tashmë edhe miqtë e tij.
Ndryshe, Policia njoftoi se në vendin e ngjarjes janë të gjitha ekipet përkatëse.
“Me datë 12.02.2025, rreth orës 18:25 nga policia në Ferizaj, policia e Rajonit të Prizrenit është njoftuar për një aksident Trafiku në Carralevë. Aksidenti ka ndodhur në mes një veture dhe autobusi. Menjëherë janë thirrur të gjitha ekipet e nevojshme për të dal në vend ngjarje. Rreth orës 19:00 nga Patrulla policore e trafikut Rajonal-Prizren është marr informatë se aksidenti është me fatalitet dhe se ka humbur jetën J. G., mashkull i moshës rreth 42 vjeç nga Suhareka. Në vend ngjarje janë të gjitha ekipet përgjegjëse si dhe eprore te Stacionit Policor Suharekë dhe të Trafikut Rajonal-Prizren”, tha Bytyqi.