Ish-banorja e “Big Brother VIP Albania 2”, Efi Dhedhes, ka qenë së fundmi e ftuar për një intervistë në “Andale”.
Ajo foli për projektin ku është pjesë si aktore, “Dashuri me këste”, i cili do të shfaqet në kinema nga 20 shkurti.
Ndër të tjera, Efi u ndal edhe te “fenomeni” i momentit, Gjesti, dhe krahasimi që i bëhet me lojën e Luiz Ejllit.
Si fillim Efi komentoi lojën e Luizit, duke thënë: “Nuk mendoj se ka pika të përbashkëta të them të drejtën. Unë di që Luizi arriti të sillte të gjitha ngjyrat dhe të bënte edhe diskutimin, argëtimin, të qeshurat, dashurinë, miqësinë (pa çka se me mua sjanë mirë raportet), e me radhë, por gjithësesi, është një person që bëri shumë gjëra.”
Sa i përket Gjestit, Efi tha: “Gjesti është diçka komplet tjetër. Është një njeri që ka shumë energji. Është i ri ndoshta dhe unë them hallall o Zot, pas tre muajsh në BB vjen prap, nuk e di dmth, është shumë e vështirë. Por problemi i vetëm që mua më çalon është se nuk e njoh akoma. Ok bukur por nuk e shoh duke argumentuar, përveç rrëmujës.”
Më tej Efi bëri dhe një krahasim mes banorëve të rinj dhe “fiksimit” të tyre për të kopjuar Luizin:
“Ç’do person që futet aty është munduar të kopjojë një personazh, përshembull Luizin, dhe nuk kanë treguar asnjë moment se kush janë ata, dhe kjo ka dalë shumë e shëmtuar”.