Ervin Karamuço, ekspert i kriminalistikës
, paraqiti një portret të hollësishëm të autorit të tragjedisë në Roskovec, Refit Buzin.
Ai e përshkroi atë si një individ me tendenca për dhunë, i njohur më parë për probleme me ligjin dhe me disa urdhra mbrojtës të vlefshëm në emër të tij.
"Në thelb, kemi të bëjmë me një person të dhunshëm, me një natyrë përndjekëse, i cili ndodhej nën arrest shtëpie.
Lexo edhe
Ai kishte një marrëdhënie të ndërlikuar me vajzën, e cila kalonte periudha të ndryshme emocionale.
Fajësonte prindërit e saj për të gjitha problemet. Kishte ditë që nuk gjenin qetësi, as duke fjetur e as duke ngrënë," theksoi ai.
Problemet e tij u përkeqësuan shumë, duke e detyruar të vepronte në mënyrë të dhunshme. Ai u ngrit një mëngjes, mori një armë dhe shkoi në shtëpinë e vajzës.
Atje, së pari qëlloi babanë në gjoks dhe pastaj nënën, për të përfunduar me vajzën, ndaj së cilës përdori armën. Pasi kreu aktin, u largua me makinë dhe rrugës ndali një kalimtar për t’i marrë celularin. U vendos në një zonë me pamje të gjerë dhe policia e Fierit e lokalizoi shpejt. Ai kërkoi fillimisht të fliste me shefin e një posti policie,” shtoi ekspertin Karamuço.
Ai theksoi se autoritetet patën fatin të shpëtonin vajzën dhe filluan një negociatë të gjatë me autorin, i cili shprehte dëshirën për të përfunduar jetën e tij. Pavarësisht se mbante armën në gojë dhe refuzonte të dorëzohej, pas disa orëve tensioni, ai doli nga makina me qëllim të tragjik. Pas një oferte për kafe dhe ujë, ai e mori vendimin për të qëlluar veten në gjoks.
"Shpëtimi i vajzës ishte i suksesshëm, pasi policia arriti ta bindë autorin të dilte nga makina. Negociatat ishin të gjata dhe të vështira. Ai mbante armën në gojë, dhe ishte konsekuent në vendimin e tij për të përfunduar jetën. Në fund, pasi doli, ai e realizoi aktin e vetëvrasjes. Gjithashtu, kishte pasur probleme me ligjin në Britaninë e Madhe dhe kishte qenë i përfshirë me lëndë narkotike. Në Gjermani kishte një biznes që kishte dështuar, duke e lënë me borxhe," deklaroi Karamuço.
